ေဖေဖာ္၀ါရီ ၁၃ ရက္ေန႔တြင္ က်ေရာက္မည့္ လြတ္လပ္ေရးဖခင္ႀကီး ဗိုလ္ခ်ဳပ္ေအာင္ဆန္း၏ေမြးေန႔ကို ဂုဏ္ျပဳတင္ျပလိုက္ပါသည္။
“Zawgyi
Font”
“ေက်းဇူးဆပ္ေလာ့”
=======================
ျမန္တိုင္းနဂရာ၊
သမိုင္းမွာလၽွင္၊
ဘယ္ခါကမၽွ၊မေပၚရသည့္၊
ဆိုးစြကၽြန္းတြင္း၊
သက္ဆင္းမြန္းနစ္၊
ႏွစ္ေပါင္းတရာ၊
ကာလတာ၀ယ္၊
ျမန္မာတိုင္းဖြါး၊
လူနင္းျပားတို႔၊
ရွည္လ်ားကာလ၊
လြတ္လပ္ရေအာင္၊
ႀကိဳးပမ္းေဆာင္စဥ္၊
ေရာင္၀ါထိန္လင္း၊
ေနမင္းေပၚလာ၊
ကဲ့ပမာသို႔၊
အာဇာနည္စစ္၊ ျပည္ခ်စ္ေခါင္းေဆာင္၊
ျမတ္အေခါင္သည္၊
ေရွ႕ေဆာင္ျပဳကာ၊
ျမန္မာျပည္ေထာင္စု၊
လြတ္လပ္မူကို၊
အားစု အင္စိုက္၊
တိုက္ခိုက္ေတာ္လွန္၊
နယ္ခ်ဲ႕ရန္မွ၊
၀ေးလံလြတ္ကင္း၊
အေမွာင္တြင္းမွ၊
ရွင္းရွင္းထြက္ရ၊
လြတ္လပ္ၾက၏၊ ႀကီးစြေက်းဇူး၊
ဂုဏ္အထူးကို၊
ခ်ီးက်ဴးမကုန္၊
ေျမ၀သုန္ႏွင့္၊
နိူင္းတုံျမင့္မိုရ္၊
မကပိုသည္၊ ဗိုလ္ခ်ဳပ္ဖခင္
ေအာင္ဆန္းတည္း။
စံနိူင္းစရာ၊
မရွိပါဟု၊
ကမၻာလုံးက၊ အံ့ၾသရသည္၊
ဒို႔ဖ ဗိုလ္ခ်ဳပ္၊
သူ႔အ႐ုပ္ကို၊
ေဖာ္ထုတ္စဥ္းစား၊
ဆင္ျခင္ပြါးစို႔၊
စား၀တ္ေနမူ၊ အစုစုကို၊
ဂ႐ုမထား၊ လူနင္းျပားႏွင့္၊
တသားတည္းသာ၊ ေနတက္ရွာ၏၊
အာဏာမလို၊ ထက္ကိုမမွန္း၊
မငမ္းခြင့္ေရး၊
မေတြးစည္းစိမ္၊
ႏွလုံးအိမ္တြင္၊
ႀကိမ္ႀကိမ္စဥ္းစား၊
စာေရးသားရန္၊
စိတ္အားသန္ခဲ့၊
ျမန္ျပည္လြတ္လပ္၊
ရတုံလတ္ေသာ္၊
ခ်ဥ္းကပ္ေတာရြာ၊
ေအးၿငိမ္းစြာတြင္၊
စာေပေရးမူ၊ ဓိဌာန္ျပဳ၏၊
ျပည္သူ႔ အက်ိဳး၊
ေဆာင္သည္ပိုးစဥ္၊
အပ္က်ိဳးတေခ်ာင္း၊
ေယာင္းမတတို၊
မရလိုသည္၊ ဗိုလ္ခ်ဳပ္ႏွင့္သာ၊
နိူင္းစရာမူ၊
ပမာမင္းႀကီးရန္ေနာင္တည္။
ကံရိုင္းၾကမၼာ၊
ဆိုးလွစြာေၾကာင့္၊
မသမာလက္ခ်က္၊
ခႏၷာပ်က္ရ၊
ခ်ိန္ကာလကား၊ေထာင့္ကိုးရာေလးဆယ္၊
ခုနစ္၀ယ္တြင္၊
ေခၚဖြယ္ဇူလိုင္၊
မိုးၿဖိဳင္သြန္းရြာ၊
ဆယ္ကိုးမွာတည့္၊
ႀကီးစြာေက်းဇူး၊
ဂုဏ္အထူးကို၊
ခ်ီးက်ဴးတသ၊ သတိရမူ၊
ဆႏၵဗိုလ္ခ်ဳပ္၊
ထိုအလုပ္ကို၊
အားထုတ္လိုက္နာ၊
ေဆာင္ရြက္ရာ၏၊
ျမန္မာတိုင္းဖြါး၊
ျပည္ေထာင္သားတို႔၊
ကြဲျပားမရွိ၊
ျမင္လိုဘိ၏၊
နတၱိ၀မ္းစာ၊ စုတ္ခ်ာအိုးအိမ္၊
ေရာင္မွိန္အ၀တ္၊
မြဲငတ္အလုပ္သမား၊
လယ္သမားတို႔၊
ဖြံ့ထြားခ်မ္းသာ၊
ဆႏၵာေတာင္းတ၊
ေတြ႕လိုလွ၏၊
ေမြးဖဗိုလ္ခ်ဳပ္၊
အားထုတ္ေတာင္းတ၊
အ၀၀ကို၊ ေစ့ငၿပီးေျပ၊
ေဆာင္ရြက္ေလလၽွင္၊
မည္ေပေက်းဇူး ဆပ္ျခင္းတည္း။
ရန္ေအာင္။
“ဗိုလ္ခ်ဳပ္ေအာင္ဆန္း
ကဗ်ာမ်ား” စာအုပ္
“Unicode
Font”
“ကျေးဇူးဆပ်လော့”
=======================
မြန်တိုင်းနဂရာ၊ သမိုင်းမှာလျှင်၊
ဘယ်ခါကမျှ၊မပေါ်ရသည့်၊
ဆိုးစွကျွန်းတွင်း၊ သက်ဆင်းမွန်းနစ်၊
နှစ်ပေါင်းတရာ၊ ကာလတာ၀ယ်၊
မြန်မာတိုင်းဖွါး၊ လူနင်းပြားတို့၊
ရှည်လျားကာလ၊ လွတ်လပ်ရအောင်၊
ကြိုးပမ်းဆောင်စဥ်၊ ရောင်၀ါထိန်လင်း၊
နေမင်းပေါ်လာ၊ ကဲ့ပမာသို့၊
အာဇာနည်စစ်၊ ပြည်ချစ်ခေါင်းဆောင်၊
မြတ်အခေါင်သည်၊ ရှေ့ဆောင်ပြုကာ၊
မြန်မာပြည်ထောင်စု၊ လွတ်လပ်မူကို၊
အားစု အင်စိုက်၊ တိုက်ခိုက်တော်လှန်၊
နယ်ချဲ့ရန်မှ၊ ၀ေးလံလွတ်ကင်း၊
အမှောင်တွင်းမှ၊ ရှင်းရှင်းထွက်ရ၊
လွတ်လပ်ကြ၏၊ ကြီးစွကျေးဇူး၊
ဂုဏ်အထူးကို၊
ချီးကျူးမကုန်၊
မြေ၀သုန်နှင့်၊
နိူင်းတုံမြင့်မိုရ်၊
မကပိုသည်၊
ဗိုလ်ချုပ်ဖခင် အောင်ဆန်းတည်း။
စံနိူင်းစရာ၊
မရှိပါဟု၊
ကမ္ဘာလုံးက၊ အံ့သြရသည်၊
ဒို့ဖ ဗိုလ်ချုပ်၊ သူ့အရုပ်ကို၊
ဖော်ထုတ်စဥ်းစား၊ ဆင်ခြင်ပွါးစို့၊
စား၀တ်နေမူ၊ အစုစုကို၊
ဂရုမထား၊ လူနင်းပြားနှင့်၊
တသားတည်းသာ၊ နေတက်ရှာ၏၊
အာဏာမလို၊
ထက်ကိုမမှန်း၊
မငမ်းခွင့်ရေး၊
မတွေးစည်းစိမ်၊
နှလုံးအိမ်တွင်၊
ကြိမ်ကြိမ်စဥ်းစား၊
စာရေးသားရန်၊ စိတ်အားသန်ခဲ့၊
မြန်ပြည်လွတ်လပ်၊
ရတုံလတ်သော်၊
ချဥ်းကပ်တောရွာ၊
အေးငြိမ်းစွာတွင်၊
စာပေရေးမူ၊
ဓိဌာန်ပြု၏၊
ပြည်သူ့ အကျိုး၊
ဆောင်သည်ပိုးစဥ်၊
အပ်ကျိုးတချောင်း၊
ယောင်းမတတို၊
မရလိုသည်၊
ဗိုလ်ချုပ်နှင့်သာ၊
နိူင်းစရာမူ၊ ပမာမင်းကြီးရန်နောင်တည်။
ကံရိုင်းကြမ္မာ၊ ဆိုးလှစွာကြောင့်၊
မသမာလက်ချက်၊
ခန္နာပျက်ရ၊
ချိန်ကာလကား၊ထောင့်ကိုးရာလေးဆယ်၊
ခုနစ်၀ယ်တွင်၊
ခေါ်ဖွယ်ဇူလိုင်၊
မိုးဖြိုင်သွန်းရွာ၊
ဆယ်ကိုးမှာတည့်၊
ကြီးစွာကျေးဇူး၊
ဂုဏ်အထူးကို၊
ချီးကျူးတသ၊
သတိရမူ၊
ဆန္ဒဗိုလ်ချုပ်၊
ထိုအလုပ်ကို၊
အားထုတ်လိုက်နာ၊
ဆောင်ရွက်ရာ၏၊
မြန်မာတိုင်းဖွါး၊
ပြည်ထောင်သားတို့၊
ကွဲပြားမရှိ၊
မြင်လိုဘိ၏၊
နတ္တိ၀မ်းစာ၊
စုတ်ချာအိုးအိမ်၊
ရောင်မှိန်အ၀တ်၊
မွဲငတ်အလုပ်သမား၊
လယ်သမားတို့၊
ဖွံ့ထွားချမ်းသာ၊
ဆန္ဒာတောင်းတ၊
တွေ့လိုလှ၏၊
မွေးဖဗိုလ်ချုပ်၊
အားထုတ်တောင်းတ၊
အ၀၀ကို၊
စေ့ငပြီးပြေ၊
ဆောင်ရွက်လေလျှင်၊
မည်ပေကျေးဇူး ဆပ်ခြင်းတည်း။
ရန်အောင်။
“ဗိုလ်ချုပ်အောင်ဆန်း ကဗျာများ” စာအုပ်
No comments:
Post a Comment